Naiinis ako.
Naiinis ako for the fact that I can't fight for what I think.
Pauwi na ako kasama ang isang kaibigan ng napadaan sa Comelec.
Sinabi ko na magpa-register na siya para sa 2010 elections.
Sabi niya parang nagpapakaimpokrita ka kung magsasayang ka lang ng oras sa isang bagay n alam mo naman walang patutunguhan. Kahit bumoto ka pa, wala namang tama at karapat dapat na mamuno dahil pare-pareho lang silang lahat. Matutuloy at matutuloy ang cha-cha.
Para akong sinampal.
tugsh.
Oo. Totoo.
Ano ba magagawa ko? ano ba magagwa ng pag-boto? Slow ang di maka-gets sa plano ng administrasyon sa bansa ngayon. Alam ko din naman tulad ng milyong milyong Pilipino ang mangyayari, matutuloy parin ang dapat hindi matuloy dahil sa kasakiman ng ilang tao.
Pero, tulad ng milyong milyong Pilipino gaya ko, umaasa ako na magkakatotoo ang matagal ng pangarap ng ating mga bayani, ninuno at ang miliyong milyong Pilipino gaya ko.
Mahirap lumaban kung alam mong sa umpisa pa lang, talo ka na.
Pero wala nang mas sasakit pa sa pagkatalo kung sa umpisa pa lang, sumuko ka na. Kung sa umpisa pa lang wala ka na ginawa kundi hayaan mangyari ang sa tingin mong hindi mapipigilan.
Tayo naman ang gumagawa ng ating kinabukasan.
At sa pagkaka-alam ko, minsan ng sinabi ni Rizal na dapat ang kabataan iniintindi ang mahahalagang bagay. Nakakalungkot, na kasabay ng pag daan ng panahon, iba't-ibang bagay na ang iniintindi ng mga kabataan. Mas importante na ang lovelife, mga gadget, pera, gimik.
Bakit, makakain ba natin yan pag unti-unti na mamatay lahat dahil sa kapabayaan?
Nakalulungkot. Nakakadismaya.
Ang pagboto, sabihin na natin na wala namang matino at walang may karapatan na umupo, ay tungkulin natin bilang mamamayan. Dito na nga lang natin pwede ipaglaban ang ating karapatan, ang ating kinabukasan. Kasi naniniwala ako na mahal ng Diyos ang Pilipinas. Naniniwala ako na matatalino ang mga Pilipinong minsan ng tinawag na Indios. Naniniwala ako sa sinasabi nilang pag-asa at kinabukasan. At tulad ng milyong milyong Pilipino na naniniwala kasama ko, gagawin ko ang tungkulin ko. Kasi Pilipino ako.
.kris
